Манчестер Сити со доминантна игра во второто полувреме направи комплетен пресврт на „Паркот на принцовите“ и со триумф од 1-2 во Париз е многу блиску до пласман во големото финале на Лигата на шампионите. Тимот на Пеп Гвардиола прими гол од прекин на игра во 15.минута, кога Маркињос со удар со глава постигна погодок од корнер, но не отстапи од својот концепт за долг посед на топката и бесконечни проигрувања со кои се „уништува“ противникот.
Неверојатен е статистичкиот показател кој вели дека голманот на Манчестер Сити, Едерсон, на мечот против ПСЖ имал повеќе контакти со топката и проигрувања од Килијан Мбапе, најдобриот напаѓач на францускиот тим.
