Англискиот тим Манчестер Сити е многу блиску до пласман во финалето на Лигата на шампионите откако направи целосен пресврт во второто полувреме и го совлада Пари Сен Жермен со 1-2. По водството на ПСж со голот на Маркињос во 15.минута, тимот на Пеп Гвардиола одигра многу подобро во вториот дел и постигна два гола за триумф во Париз.
Фил Фоден во 42.минута не реализираше од изгледна позиција, но најави дека „граѓаните“ се решени да остварат позитивен резултат на „Паркот на принцовите“.
Кевин де Бруин во 64.минута сакаше да нафрли кон голот, но одбраната на ПСЖ не расчисти, а топката на крајот заврши во мрежата на Кејлор Навас. Седум минути подоцна, Ријад Махрез од слободен удар постигна прекрасен гол и се погрижи за комплетен пресврт.
Неволјите на ПСЖ продолжија со исклулувањето на Идриса Геје во 77.минута. Тој грубо стартуваше над Гундоган и доби црвен картон.
Реваншот се игра на 4 мај на „Итихад“.
