Пари Сен Жермен оствари планирана победа (1-3) на гости против Мец и се искачи на врвот на табелата во Франција со 72 бода. Само два бода помалку има Лил на второто место, но и меч помалку, утре му гостува на Лион во дербито на колото.
Килијан Мбапе во петтата минута донесе водство за „светците“ и со овој резултат се замина на одмор. Мец успеа да израмни непосредно откако фудбалерите се вратија на теренот во второто полувреме со голот на Фабиен Сентонз. Сепак, Мбапе не дозволи изненадување и многу брзо го врати водството со својот втор гол во 59.минута.
Во финишот, Мауро Икарди се избори за пенал и го реализираше со „паненка“ за конечни 1-3.
