Горан Пандев влезе меѓу бесмртните во Серија А, во „клубот 100“ кој е резервиран за имиња од калибарот на Џузепе Меаца, Франческо Тоти, Кристијан Виери, Габриел Батистута… На вчерашниот меч против Беневенто, Пандев постигна два гола и ја заокружи „стотката“ во италијанското Калчо.
Тренерот на Џенова, Давиде Балардини, не штедеше пофалби зборови за „Гранде Мачедоне“.
„Горан е вистински шампион, имаме голема среќа што е дел од нашиот тим. Без сомнение е еден од најдобрите фудбалери и се додека може физички да се носи со помладите, тој ќе ни биде од голема помош“, изјави Балардини.
Шефот на стручниот штаб на Џенова инсистира Горан Пандев и следната сезона да продолжи да игра.
