Легендарниот англиски фудбалер Дејвид Бекам, кој е косопственик на МЛС – клубот Интер Мајами, изрази загриженост околу формирањето на Европска Суперлига. Тој вели дека ова го носи развојот на фудбалот во сериозна опасност.
„Јас сум вљубеник во фудбалот. Тоа е мојот живот откако знам за себе. Го сакав фудбалот кога бев мало дете, потоа и како момче, потоа како професионален фудбалер, а истата страст ја имам и сега. Знам дека спортот без навивачи е ништо. Фудбалот ни е потребен на сите, не само на одредена елита. Мислам дека играта што ја сакаме сите е во опасност“, истакна Дејвид Бекам.
