Ренова оствари многу важна победа (2-1) против Силекс во воведниот натпревар од 28.коло во Првата фудбалска лига. Беше ова еден од директните дуели за опстанок во елитното друштво, па по овој триумф „гипсарите“ имаат 31 бод и ја напуштија опасната зона на табелата.
Шефит Шефити во 12.минута зафати полуволеј и ја затресе мрежата на Даниел Божиновски, а кон крајот на првиот дел Фатјон Јусуфи зголеми на 2-0 со прекрасен шут од 18 метри.
Силекс се врати во игра во финишот со голот на Иван Галевски во 90.минута, но кратовци не успеаја да стигнат и до реми.
