Шкендија е на чекор до шампионска титула, Беласица го шокираше Шкупи, па Македонија ЃП може да го загрози и второто место на тимот од Чаир.
Пелистер со супер – пресврт го совлада Силекс, Вардар и Ренова поделија по бод во битката за опстанок, а истото го сторија и Струга ТЛ и Работнички во обидот за излез во Европа.
МАКФУДБАЛ го издвои најдобриот тим на 27.коло во Првата фудбалска лига.
- АЛЕКСАНДАР ВУЛИЌ (БЕЛАСИЦА)
Командуваше со одбраната на Беласица која успеа да ја сочува мрежата на тешкото гостување против Шкупи. - БЕНЈАМИН ДЕМИР (БЕЛАСИЦА)
Го постигна победничкиот гол за Беласица за изненадување на колото. - ХРИСТИЈАН ДРАГАРСКИ (ПЕЛИСТЕР)
Можеби одбраната на Пелистер не беше најконцентрирана на стартот, но затоа Драгарски погоди во нападот и го врати својот тим во игра за голем триумф. - КЛИСМАН ЦАКЕ (СТРУГА ТРИМ ЛУМ)
Одличен во дефанзивата, многу често и со организаторски способности во тимот на Струга ТЛ - АЛДАИР НЕТО (ПЕЛИСТЕР)
Постигна прекрасен гол за триумф на Пелистер, одличен во средниот ред на битолскиот тим. - ФИЛИП МИЛЕНКОВСКИ (СТРУГА ТРИМ ЛУМ)
Стрелец на гол за Струга ТЛ во пресметката против Работнички. - МАРТИН МИРЧЕВСКИ (ВАРДАР)
Ја сочува надежта на Вардар за опстанок во елитата на дуелот со Ренова. - БЕСАРТ ИБРАИМИ (ШКЕНДИЈА)
Најдобриот стрелец погоди за триумф против Академија Пандев и ја доведе Шкендија на чекор до титула. - МАРИО СТАНКОВСКИ (РАБОТНИЧКИ)
Го извлече Работнички од бездната во Струга и ги сочува надежите за излез во Европа. - САМИР ФАЗЛИ (МАКЕДОНИЈА ЃП)
Двоен стрелец за Македонија ЃП, донесе триумф кој го трасира патот на „лавовите“ дури и кон второто место на табелата. - ПЕПИ ЃОРГИЕВ (СИЛЕКС)
Двоен стрелец за Силекс, одличен реализатор, но, за жал, добрата игра не ја зачини и со победа.
ТРЕНЕР НА КОЛОТО: АНДРЕЈ ЧЕРНИШОВ
Прва победа за Чернишов на клупата на Беласица, и тоа огромно изненадување, против Шкупи во Скопје. Одлично ја постави играта на својот тим, цврсто во одбраната, со брзи противнапади го загрозуваше противничкиот гол.
