Македонскиот прволигаш Силекс се сели во потоплите краишта. Фудбалерите на кратовскиот тим заедно со стручниот штаб и дел од раководството на клубот утрово одлетаа за Анталија. Во турскиот туристички центар Силекс каде ќе ја одработи следната фаза од зимските подготовки.
Тимот на Горан Симов во Анталија ќе одигра неколку пријателски натпревари, против Арсенал Тула, Шахтјор Доњецк, Нови Пазар, и ќе ги воигрува линиите за вториот дел од сезоната во Првата фудбалска лига.
Силекс по есенскиот дел од шампионатот се наоѓа на осмата позиција на табелата со 22 освоени бода.
