Победничко селфи од Струга (ФОТО)

Силекс ја освои Струга. И тоа во клучен момент, за пласман во финалето на Купот на Македонија. Кратовци по долг период повторно се финалисти, а на радоста во соблекувалната немаше крај. Споделија и победничко селфи на социјалните мрежи со порака дека ништо не може да го скрши Силекс.

Стрелец на победничкиот гол (0-1) беше Ристе Каракамишев со удар со глава во 81.минута од мечот. Во финалето, Силекс на 19 мај на Националната арена „Тодор Проески“ ќе ги одмери силите со Академија Пандев.