Италијанскиот калчолигаш Милан оваа сезона ќе се бори за „скудетото“ и раководството сака да го засили ростерот на Стефано Пиоли. Приоритет е нов напаѓач со оглед дека Златан Ибрахимовиќ ќе отсуствува подолго од претходно планираното.
Милан затоа се вклучува во трката за Мемфис Депај од Лион. Холанѓанецот има договор до крајот на сезоната, но Лион ќе сака да го продаде во јанаури за да заработи на неговото заминување.
Барселона и Пари Сен Жермен се конкуренцијата на Милан за потписот на Депај, а во опција за доаѓање на „Сан Сиро“ е и Аркадиуш Милик.
