Клупската телевизија на Реал Мадрид упати остри критики кон судијата Алехандро Кинтеро Гонсалес по поразот од 0-2 од Селта Виго на „Сантијаго Бернабеу“, ставајќи под прашање целокупното негово судење во натпреварот.
„Иако не влијаеше директно врз резултатот, работата на Кинтеро Гонсалес беше на исклучително ниско ниво. Изгледа дека се обидува да се допадне, како што се правеше во времето на Негреира, за да добие бонуси, интернационално делегирање или да суди на најпрестижните натпревари во земјата“, коментираа од медиумот.
За време на емисијата, критиките беа беспоштедни:
„Тој сам не знае што одлучува. Нов е, но… слаб е, засега ќе го кажеме така. Работата му е апсурдна, добро е обучен, но судењето беше ужасно“.
Телевизијата го истакна и недостатокот на единствен критериум, како и големата толеранција кон одолговлекувањето на играта од Селта:
„Правилото за осум секунди се претвори во потсмев кон навивачите, кон играчите, кон сите“.
Клупскиот медиум посочи и за исклучувањето на Фран Гарсија по втор жолт картон.
„Режисерот не ги покажа повторувањата од најдобриот агол за да се видат контактите јасно“.
За црвениот картон на Карерас додаваат:
„Забележливо е со каква брзина судијата реагираше против него. Лесно е да се биде строг кон едни, а благ кон други. Протести имаше од двете страни, но не се прикажуваа сите кадри“.
На крај, телевизијата го постави под прашање и работата на претседателот на Судиската комисија, Фран Сото:
„Ова судење не одговара на лига која тврди дека е меѓу најдобрите во светот. Интересно е што ќе каже Фран Сото и дали емисијата „Време за преглед“ воопшто ќе ги анализира спорните ситуации“.
