Дуелот меѓу Србија и Албанија во Лесоковац дефинитивно најинтересниот од денешната понуда во квалфикациите за Светското првенство следната година.
Досегашниот развој на ситуацијата во квалификациите, кој не се разликува премногу од раните предвидувања, го означи реваншот помеѓу Србија и Албанија како клучен во борбата за второто место во групата.
Се знаеше дека Англичаните се недопирливи, што беше потврдено и на теренот, а останува да се види кој ќе биде патникот во баражот. Исто така, јасно е дека Андора и Латвија не се конкурентни.
Се знаеше дека албанските навивачи нема да можат да дојдат во Лесковац, додека Србија беше казнета со 80.000 франци и капацитетот на стадионот Дубочица беше намален поради инциденти за време на натпреварот со Англија.
Натпреварот потоа беше прогласен за натпревар од највисок безбедносен ризик, а ФСС одлучи дека билетите за натпреварот нема да бидат во продажба.
Фокусот беше префрлен од фудбалот и поради апсењето на Албанец кој се обиде да внесе маички, знамиња и капи со симболите на терористичката организација УЧК во Србија.
„Орлите“ досега ги победија Андора и Латвија во квалификациското коло, ремизираа со Албанија и забележаа убедлив пораз против Англија во претходното коло.
Ако ја исклучиме многу лошата вечер против избраниците на Томас Тухел, Србија не прими гол и се покажа доста стабилно во одбраната, која веќе некое време е подобар дел од тимот.
Ако нема поголеми изненадувања во останатите квалификации, нерешено би ја однело Србија на Светското првенство, но триумф над Албанија би ги отстранил речиси сите сомнежи за второто место во групата.
Императив за победа на страната на Албанија
За разлика од Србија, Албанија направи грешка и е во малку полоша позиција пред најважните дуели во Групата К.
Тие успеаја да победат против Андора, но нерешениот резултат во првиот од двата натпревари против Латвија ги чинеше скапо. Во вториот победија со минимален резултат, а против Англија забележаа очекуван пораз.
Иштван Ковач од Романија ќе биде главен судија на натпреварот, а ќе му помагаат Михаи Марица и Ференц Туњоги.
УЕФА го делегираше Хорасија Фесница, исто така од Романија, за четврти судија. Германците Бастијан Данкерт и Паскал Милер ќе седат во VAR собата.
Во изминатите две години, Силвињо изгради многу солиден и борбен тим кој тешко прима голови, но и тешко ги постигнува.
Бразилскиот стручњак имаше проблеми и со повредени играчи, но ќе може да смета на најважните, кои го водеа тимот до претходното Европско првенство.
Доколку не забележат победа, Албанците ќе мора да се надеваат на неуспех за Србија и триумф над Англија, и затоа е сигурно дека ќе влезат во натпреварот многу мотивирани.
Србија и Албанија досега одиграа три натпревари, но ниту еден не беше толку важен како претстојниов.
Првиот, сепак, ќе се памети многу долго, но не по работите на теренот. Во квалификациите за Европското првенство 2016 година се случи инцидент со дрон, поради што натпреварот беше прекинат, а бодовите подоцна им беа доделени на Албанците.
Во реваншот во Тирана, Србија беше подобра со 2:0 благодарение на головите на Александар Коларов и Адем Љајиќ во последните минути од натпреварот.
Третата средба се играше во јуни оваа година, а немаше голови. Ѓорѓе Петровиќ се истакна со одбранет пенал во првата минута од судиското продолжение на првото полувреме.
Квалификации за Светското првенство, сабота:
Латвија – Андора 15.00
Унгарија – Ерменија 18.00
Норвешка – Израел 18.00
Бугарија – Турција 20.45
Естонија – Италија 20.45
Португалија – Република Ирска 20.45
Србија – Албанија 20.45
Шпанија – Грузија 20.45
