Реал Мадрид планира до 1 септември, кога завршува летниот преоден рок, да продаде петмина играчи за да го сведе бројот на членови во првиот тим на дозволените 25 за сезоната 2025/26, открива „АС“.
Меѓу фудбалерите кои би можеле да го напуштат клубот е и бразилскиот напаѓач Родриго, кој веќе со недели се поврзува со заминување од Мадрид.
За него, како што наведува „АС“, сериозен интерес покажуваат Арсенал и Ливерпул. Ендрик, Давид Алаба, Дани Себалјос и Ферлан Менди се останатите четворица играчи кои се „отпишани“ од Чаби Алонсо.
