Манчестер Сити нема намера да се раздели со голманот Едерсон, јавува „Скај Спортс“. Турскиот шампион Галатасарај покажа интерес за 31-годишниот бразилски чувар на мрежата.
Според информациите, турскиот клуб веќе постигнал договор со агентите на Едерсон околу личните услови, но Манчестер Сити сè уште не добил официјална понуда за неговиот трансфер.
Во минатата сезона, Едерсон одигра 26 натпревари во Премиер – лигата и прими исто толку голови. Тој претходно настапуваше за Бенфика, Рио Аве и Рибеирао.
Пред околу еден месец, Бразилецот ги негираше шпекулациите дека сака да го напушти англискиот шампион. Неговиот договор со клубот важи уште една сезона.
