Италијанскиот репрезентативен голгетер Матео Ретеги е нов фудбалер на Ал Кадсија од Саудиска Арабија, кој на Аталанта ѝ плати 65 милиони евра за неговиот трансфер – рекордна сума кога станува збор за италијански фудбалер.
По фантастичната сезона во Серија А, во која заврши како најдобар стрелец, Ретеги се најде на радарот на неколку големи европски клубови. Сепак, тој реши да ја прифати понудата од Ал Кадсија и да се пресели на Блискиот Исток, каде ќе инкасира по 20 милиони евра годишно во следните три сезони.
Во минатата сезона, Ретеги постигна 28 голови во сите натпреварувања. Претходно ги бранеше боите на Џенова, а фудбалската кариера ја започна во Аргентина, играјќи за клубовите Тигре, Талерес, Естудијантес и Бока Јуниорс.
