Интер направил обид да ја „украде“ една од главните трансферни цели на градскиот ривал Милан, Ардон Јашари. „Нероаѕурите“ го понудиле Александар Станковиќ, плус 30 милиони евра за Јашари, кој веќе подолго време е во фокусот на Милан.
Покрај тоа, Интер испратил понуда и за дефанзивецот Жоел Ордонез.
Двајца од челниците на Клуб Бриж биле во Милано, каде се сретнале со раководството на Интер. Причината за средбата бил интересот на белгискиот клуб за младиот играч од средниот ред Станковиќ, кого Интер е подготвен да го продаде, но сака да задржи клаузула за откуп по определена цена.
За време на разговорите, Интер се обидел да преговара и за Јашари, нудејќи 30 милиони евра, но бил одбиен.
Од една страна, Бриж не сака да се раздели со својот највреден фудбалер, а од друга – Јашари од детство е навивач на Милан и сака трансфер кај „росонерите“.
Неуспешен бил и другиот обид на Интер, понуда од 22 милиони евра плус Станковиќ за правата на Ордонез.
