Фудбалската репрезентација на Македонија синоќа освои голем бод против фаворизираната Белгија и го продолжи позитивниот тренд кој трае веќе две години. Алиоски постигна феноменален гол (1-1) за реми, а потоа разбирливо се славеше во соблекувалната.
Сите сме Македонија, во таков стил се однесува новото раководство на федерацијата, па претседателот Масар Омерагиќ, заедно со Горан Пандев и Агим Ибраими дојде во соблекувалната да им честита на фудбалерите и заеднички да ја споделат радоста.
„Знам дека играте од срце за Македонија, а не за премии, но ќе бидете наградени, тоа ви го ветувам’, им порача Омерагиќ на репрезентативците.
Убаво е вака и нека потрае. Сега сакаме победа против Казахстан во Астана!
