Александар Трајковски блесна во вистински момент и му донесе важен бод на Хајдук Сплитарот против Локомотива Загреб (1-1). Македонскиот напаѓач постигна гол со глава во последните секунди од мечот, во 98.минута, избегнувајќи пораз за својот тим.
Hajduk Split [1] – 1 Lokomotiva – Aleksandar Trajkovski 90’+8′
byu/50lipa insoccer
Хајдук беше во незавидна положба, губеше со 0-1 и играше со играч помалку по исклучувањето на голманот Лучиќ. Во обид да направи пресврт, тренерот Гатузо го внесе Трајковски, кој ја оправда укажаната доверба со прецизен удар со глава, предизвикувајќи вистинска еуфорија кај навивачите на „Пољуд“.
Иако ремито беше добар резултат во вакви услови, Хајдук сепак падна на второто место на табелата, со бод помалку од Ријека. Лидерот Ријека стигна до победа од 1-0 над Вараждин со гол во судиското надополнување, и тоа со играч помалку.
