Кондицискиот тренер на Воска Спорт преживеал срцев удар

Кондицискиот тренер на Воска спорт, Бехар Укали, доживеал срцев удар во текот на денешниот ден, информираше македонскиот прволигаш. За среќа, неговата моментална состојба е стабилна.

„Воска е со тебе, Бехар! Од сѐ срце сме со тебе и ти посакуваме што побрзо закрепнување. Со нетрпение очекуваме повторно да те видиме на теренот, посилен од кога било!“, се вели во пораката што Воска Спорт ја испрати до својот кондициски тренер.