Тиквеш убедливо го совлада Детонит јуниор на домашен терен со 3-0. Ѓорѓи Мојсов во 13.минута го отвори резултатот, а во вториот дел погодија и Петар Најдов и Марјан Ристовски.
Борец прослави прволигашки пласман, па загуби со 3-1 на гости против Кожув во Гевгелија. Емир Скендери, Цветан Чурлинов и Костадин Зајков стрелаа за Кожув, а Ѓорѓи Ѓорѓиев го постигна единствениот гол за гостите.
Брегалница ремизираше 2-2 против Плачковица, Саса Каменица со 3-0 беше подобра од Вардар Неготино, а вчера Кит Го со неверојатни 11-0 славеше против Партизан Обршани.
