Менаџерот на Манчестер Јунајтед, Рубен Аморим, зборуваше по елиминацијата на „црвените ѓаволи“ од ФА купот, откако загубија после пенали од Фулам, а натпреварот заврши 1-1 по 120 минути игра.
„Нашата долгорочна цел е да ја освоиме Премиер – лигата. Не знам кога точно и колку време ќе биде потребно, но тоа е нашата цел. Без разлика што се случува, ние ќе продолжиме напред“, изјави Аморим.
Во моментов, Манчестер Јунајтед е елиминиран од двете домашни натпреварувања и го очекува тежок предизвик во осминафиналето од Лига Европа против Реал Сосиедад. Во Премиер – лигата, „црвените ѓаволи“ се наоѓаат на 14. позиција со 33 бода.
