Баерн Минхен синоќа славеше против Штутгарт со 1-3 во 24. коло од Бундес-лигата, а по натпреварот челниците на баварскиот клуб испратија порака до една од најголемите ѕвезди на тимот.
Со головите на Олисе, Горецка и Коман, Баварците стигнаа до победа против Штутгарт и го продолжија одличниот серијал без пораз.
По натпреварот, новинарите го застанаа спортскиот директор Макс Еберл и го прашаа за иднината на една од најголемите ѕвезди на клубот, Џошуа Кимих.
„Никој не е поголем од клубот. Ако играчот одлучи поинаку, тоа е негова одлука. Без разлика што ќе се случи, работите во Баерн Минхен ќе продолжат нормално. Имаше одлични играчи кои мораа да го напуштат клубот без обештетување, бидејќи не успеавме да се договориме за нов договор. Такви работи се случуваат“, порача Еберл.
Со оваа изјава, спортскиот директор речиси потврди дека преговорите за нов договор пропаднале, како што се пишуваше претходните денови.
Заминувањето на Кимих без никакво финансиско обештетување е сериозен удар за Баерн Минхен од повеќе причини. Прво, ќе загубат квалитетен играч кој е многу важен за системот на Баварците, а второ, тоа е голем финансиски удар. Германецот е фудбалер кој можеше добро да се продаде, но според моменталната ситуација, тој ќе го напушти клубот без никаква компензација.
Кимих пристигна во Баерн Минхен во 2015 година од Лајпциг. Во Бундес-лигата има одиграно 285 натпревари за Баерн, постигна 27 голови и забележа 79 асистенции.
