Менаџерот на Манчестер Сити, Пеп Гвардиола, ја оправда лошата форма на неговиот тим со недостатокот на клучни играчи по ремито 2-2 против Брентфорд во Премиер-лигата. Иако „граѓаните“ водеа со 0-2 благодарение на двата гола на Фил Фоден, Брентфорд успеа да израмни со силен финиш на натпреварот.
Гвардиола нагласи дека поради повредите на неколку клучни фудбалери, Манчестер Сити моментално не располага со тим способен да одговори на физичкиот стил на игра на екипи како Брентфорд.
„Моментно имаме друг тип играчи, а тоа влијаеше да не успееме да го задржиме водството“, изјави Гвардиола на прес-конференцијата.
Тој исто така истакна дека Брентфорд игра со многу играчи во шеснаесетникот, користи центаршутеви и има физички надмоќни играчи кои се силни во играта со глава.
Гвардиола изрази разочарување од слабата реализација во завршницата на натпреварот.
„Посебно ми недостасуваше тоа што не донесувавме правилни одлуки во последната третина од теренот. Иако создадовме многу шанси, не успеавме да ја осигураме победата.“
Гвардиола му оддаде признание на противникот и изјави дека Брентфорд е еден од најтешките тимови за победување поради нивниот специфичен стил на игра.
„Ми се допаѓа начинот на кој играат, но ние требаше да ја осигураме победата“, заврши менаџерот на Сити.
Ова реми ги продолжува тешкотиите на Сити оваа сезона, со предизвици во конзистентноста и повреди на клучни играчи.
