Менаџерот на Челси, Енцо Мареска, беше повеќе задоволен од изведбата на својот тим при ремито 0-0 против Евертон овој викенд, отколку од победата со 2:1 против Брентфорд минатата недела.
„Ова беше вистински натпревар. Многу сум среќен затоа што настапот на момците беше фантастичен. Понекогаш треба да играте различен тип на натпревар, а ние учиме да играме токму така. Евертон е еден од најдобрите тимови во Европа кога станува збор за одбрана на својот гол“, изјави Мареска.
„Им реков на играчите дека сум позадоволен сега, иако не победивме, отколку после натпреварот против Брентфорд. Се обидовме сѐ. Секако, секогаш може да направите нешто подобро, но многу сме среќни, затоа што ова е стадион на кој тешко се гостува, не само за нас, туку и за сите останати тимови во Премиер – лигата“, додаде менаџерот на Челси.
