Дефанзивецот на Лајпциг и на германската репрезентација, Бењамин Хенрикс, веројатно ја скинал Ахиловата тетива, што значи дека ќе паузира до крајот на сезоната, јавува агенцијата ДПА. Соиграчот на Елиф Елмас ќе мора на операција, а потоа го очекува и долг рехабилитациски процес.
Хенрикс падна далеку од топката во последните моменти од натпреварот при поразот на Лајпциг (1-5) од Баерн Минхен. Тој видливо чувствуваше болка и долго време беше третиран од медицинските лица на теренот по завршувањето на натпреварот, пред да биде изнесен со носилка.
Тренерот Марко Росе изјави дека стравува за десниот бек затоа што заработил тешка повреда на глуждот, но неговиот асистент Александар Циклер подоцна изјави дека станува збор за наводна повреда на Ахиловата тетива.
