Спортскиот директор на Манчестер Јунајтед, Дан Ешворт, неочекувано ја напушти функцијата по само пет месеци работа, објави клубот.
„Дан Ешворт ќе ја напушти функцијата спортски директор на Манчестер Јунајтед по взаемна согласност. Сакаме да му се заблагодариме на Дан за неговата работа и поддршка во текот на преодниот период за клубот и да му посакаме сѐ најдобро во иднина“, се вели во официјалното соопштение на „црвените ѓаволи“.
Новината е шокантна, особено поради долгите преговори и сагата околу преминувањето на Ешворт од Њукасл во Манчестер Јунајтед. Тој влезе во принуден одмор во февруари, поради желбата да премине на „Олд Трафорд“, а клубовите постигнаа спогодба за компензација во износ помеѓу 2 и 3 милиони фунти. Ешворт официјално почна со работа во Манчестер Јунајтед на 1 јули.
Според информациите, неговото заминување било договорено по состанокот со извршниот директор на Јунајтед, Омар Берада, по синоќешниот пораз од Нотингем Форест со 2-3 во Премиер – лигата. Истовремено, се јавува дека сер Џим Ретклиф, еден од сопствениците на Манчестер Јунајтед, имал клучна улога во оваа одлука.
Ешворт беше активно вклучен во трансферите вредни 200 милиони фунти летоска, при што беа доведени играчи како Лени Јоро, Мануел Угарте, Матијс де Лихт, Нусаир Мазрауи и Џошуа Зиркзе.
Тој исто така беше дел од тимот кој одлучи да му се даде нов договор на Ерик тен Хаг, иако менаџерот беше отпуштен само неколку месеци подоцна.
-
МАКФУДБАЛ ТИМ НА ПОЛУСЕЗОНАТА
Силекс заврши на врвот по првиот дел од сезоната во Првата лига, благодарејќи на...
Автор makfudbal
-
МАКФУДБАЛ ИГРАЧ на полусезоната: Али Регба (Работнички)
Работнички е најпријатното изненадување на првиот дел од сезоната во Првата фудбалска лига. „Романтичарите“...
Автор makfudbal