Селекторот на македонската репрезентација, Благоја Милевски, се соочува со нов еден проблем пред почетокот на натпреварот против Летонија во Лигата на нации.
Бојан Димоски кој беше најавен во првиот состав, нема да може да истрча на теренот од првата минута поради вирус. Членот на рускиот Акрон Тољати денес примаше инфузија и се чувствува подобро, но нема да може да го почне натпреварот во Рига.
Селекторот Милевски треба да донесе одлука за негова замена во почетниот тим. Македонија е првопласирана во својата група и вечерва е фаворит на гостувањето кај селекцијата на Летонија.
