Голманот на Барселона, Марк-Андре тер Штеген, го сподели своето мислење за натпреварот од првото коло на главната фаза од Лигата на шампионите, во кој каталонците загубија од Монако со 1-2.
„Со нашиот тим се случи нешто што не требаше да се случи. Ова е фудбалот. Поразот боли, бидејќи дури и со десетмина играчи го прифативме предизвикот и се обидовме да освоиме бодови. Јасно беше дека Монако ќе почне да врши притисок врз нас. Се обидовме да собереме сили и до некоја мера успеавме, но тие ни дадоа втор гол без да покажат многу добра игра“, изјави Тер Штеген.
Ова беше првиот пораз за Барселона во официјален натпревар од почетокот на сезоната.
