Удинезе со неверојатен пресврт ја тресна Парма и се искачи на врвот во Серија А (ВИДЕО)

makfudbal
16-09-2024

Удинезе е изненадувачкиот лидер на табелата во Серија А. По триумфот против Парма (2-3) на гости, тимот од „Фриули“ со десет бода се искачи на врвот.

Парма имаше водство од 2-0 по првиот дел, со головите на Ел Прато и на Бони.

Но, Удинезе направи неверојатен пресврт во второто полувреме. Лоренцо Лука во 49.минута намали на 2-1, а потоа Флориан Товин со два гола, во 68. и во 77.минута се погрижи за сензација и за триумф на гостите.