Интер би можел да остане без еден од своите клучни играчи, Федерико Димарко, за претстојните важни натпревари против Манчестер Сити и Милан. Димарко, кој е лев бек, се здобил со повреда на бутниот мускул за време на синоќешниот натпревар против Монца, што го става неговото учество во сериозна неизвесност.
Медиумите од Италија известуваат дека е малку веројатно Димарко да игра в среда против Манчестер Сити, а исто така и неговото присуство на дербито против Милан в недела е под знак прашалник. Иако играше цел натпревар против Монца, а по натпреварот се мислеше дека има грчеви, проблемот се чини дека е посериозен.
Одлуката за неговиот настап ќе биде донесена на последниот тренинг на Интер, но најверојатно тој нема да патува за Англија за да се заштеди за дербито против Милан.
Доколку Димарко не може да настапи, се очекува да биде заменет од Карлос Аугусто, кој одигра како централен бек против Монца, но ќе се врати на левата страна против Манчестер Сити, а Франческо Ачерби и Алесандро Бастони ќе бидат во централниот дел од одбраната.
