МАКФУДБАЛ ТИМ НА СЕЗОНАТА – Напад: Бесарт Ибраими (Шкендија)

Заврши една од најтешките сезони, спортистите имаа сериозен противник и во Ковид-19, но најдобрите секогаш издржуваат и на крајот – победуваат. Шкендија го освои шампионатот, Шкупи, Струга Трим Лум и Силекс (како освојувач на Купот) ќе играат на европска сцена, а сега е време за одбележување на тие што покажаа најмногу.

МАКФУДБАЛ го издвојува ТИМОТ НА СЕЗОНАТА 2020/21.

НАПАД – БЕСАРТ ИБРАИМИ (ШКЕНДИЈА)
Тој е кралот на стрелците во Македонија. Секоја нова сезона ја потврдува својата класа, оваа со неговите голови ја одведе Шкендија и до нова шампионска титула. Во првиот дел од сезоната имаше огромна конкуренција во Дембо Дарбо, напаѓачот на Шкупи, но по неговиот трансфер во Белорусија, потврди дека е неприкосновен голгетер во македонскиот шампионат. Постигна 24 гола во првенството на Македонија.

2. ПЕПИ ЃОРЃИЕВ (СИЛЕКС)
3. МАРИО СТАНКОВСКИ (РАБОТНИЧКИ)