Поранешниот фудбалер на Баерн Минхен, 45-годишниот Самуел Куфoр, на својот син му го даде името Минхен. Во спомен на годините кои ги мина во Баерн тој се реши на ваков потег.
Тој во баварскиот клуб настапуваше од 1993 до 2005 година. Во тој период успеа да освои шест титули во Бундеслигата, има четири пехари во Купот на Германија, двапати славеше во Лига купот на Германија, а по еднаш ги освои Лигата на шампионите, Купот на УЕФА и Интерконтиненталниот куп.
