Поранешниот македонски репрезентативец Остоја Стјепановиќ,. кој сега е фудбалски агент, имаше работен состанок со еден од најдобрите и највлијателни фудбалски тренери во историјата, Пеп Гвардиола.
Некогашниот играч за врска на Македонија ЃП, Вардар, Работнички и Партизан, е успешен фудбалски менаџер, и како што пишуваат српските медиуми, разговорот со шпанскиот стратег се однесувал на можноста за идна соработка. Стјепановиќ застапува голем број талентирани млади фудбалери од Србија и од Македонија, кои веќе го привлекоа вниманието на европските скаути.
Не се оди на работна средба со Гвардиола секој ден, па поранешниот македонски репрезентативец објави заедничка фотографија и напиша: „Овој разговор вреди повеќе од сè!“
