Поранешниот играч на Зенит, а сега актуелен член на Локомотив Москва, Артем Ѕјуба, даде интервју за руските медиуми во кое ја слави својата земја и претседателот Владимир Путин. Со тоа дефинитивно ги разбранува страстите.
„Отсекогаш чувствував дека Русија е мојата земја. Долго размислував дали ќе одам да играм во странство, а имаше моменти кога сакав да одам во Германија или во Италија. Имаше разговори. Сакав да одам и во Англија , но сега не сакам. И да ми се јават, а знам дека нема да се јават – нема да одам“, изјави Ѕјуба.
„Зошто да не одам? Поради целата оваа ситуација, поради радикалниот однос кон нас. Мислам дека не е убаво. Ги симнаа сите маските и го покажаа тој став. Ако се однесувате така со нас, тогаш ние не ви требаме. Всушност, не можам да не верувам во мојата земја, јас сум патриот и си ја сакам Русија. Историјата ќе суди за сѐ во иднина. Сега сум целосно за претседателот Путин, не кријам и директно кажувам. Јас сум за мојата држава. Таков сум и ќе бидам со мојата држава до крајот на животот. Историјата ќе суди кој е во право, а кој не, јас до крај ќе верувам дека ние сме за праведна кауза“, додаде Ѕјуба.
