Жоргињо пак промаши пенал со Швајцарците, Англија даде пет гола за едно полувреме (ВИДЕО)

Италија имаше колосална шанса за триумф против најголемиот ривал во групата Швајцарија, но Жоргињо не успеа да реализира пенал во 90.минута од мечот. „Аѕурите“ само ремизираа (1-1) откако играчот на Челси ја испрати топката високо над голот.

И на првиот меч против Швајцарците, Жоргињо не успеа да го надмудри Јан Зомер од белата точка. Видмер во 11.минута донесе предност за Швајцарија, а израмни Ди Лоренцо во 36.минута.

Италија и Швајцарија имаат по 15 бода на врвот, „аѕурите“ за два гола подобра гол – разлика, но во последното коло гостуваат во Северна Ирска, додека Швајцарците дома ја пречекуваат Бугарија. Ќе биде интересно во битката за пласман на СП во оваа група.

Англија ја декласира Албанија со 5-0, и тоа со пет гола во првото полувреме. Хари Кејн постигна хет – трик, а стрелаа и Хари Мегваер и Џордан Хендерсон.

Данска славеше против Фарски Острови со 3-1, Австрија со пресврт го совлада Израел со 4-2, а лесни победи остварија и Полска (1-4) против Андора и Унгарија (4-0) против Сан Марино.