Фудбалерот од средниот ред на Италија и член на Челси, Жоргињо, истакна дека „аѕурите“ никогаш не се откажуваат и вети дека добро ќе се подготват за баражот во март.
Репрезентацијата на Италија не успеа да се пласира директно на Светското првенство во Катар и ќе мора да игра дополнителен турнир за да обезбеди место на мундијалот.
Жоргињо, кој промаши два пенали во двата меча против победникот од групата Швајцарија, испрати порака до италијанските навивачи по разочарувачкиот резултат во групата Ц.
„Фудбалот многупати ве казнува со тешки резултати кои болат. Но, треба тоа да го издржите и да работите напорно до следните успеси“, истакна Жоргињо.
