Дефанзивецот Жоао Кансело нема да остане во Манчестер Сити следната сезона. Фудбалерот ја мина сезоната 2022/23 како позајмен во Баерн Минхен. На крајот од договорот, Баварците решија да не ја активираат откупната опција.
Арсенал и Барселона се заинтересирани за услугите на Португалецот, за кој се вели дека повеќе сака да игра во Ла Лига.
29-годишниот фудбалер оваа сезона одигра 21 натпревар за Баерн, постигнувајќи еден гол и шест асистенции.
