Фудбалската репрезентација на Македонија вечерва (20.45 часот) има нов предизвик, на Арената ќе гостува селекцијата на Казахстан. По големиот бод од Гент каде одиграа 0-0 против моќната Белгија, пред селекторот Благоја Милевски и фудбалерите сега е еден сосема поинаков дуел.
Македонија е фаворит, но тоа ќе треба да го оправда на теренот со добра игра и со погодоци во мрежата на Казахстанците. Но, сите се залажуваме ако мислиме дека триумфот ќе дојде лесно.
Затоа, на фудбалерите им е потребна максимална поддршка и од трибините. Со сѐ ова што покажаа во досегашниот квалификациски циклус, во кој и вечерашниот меч ќе го пречекаат како првопласирани на табелата, заслужуваат полни трибини, скандирања и аплаузи.
Затоа што СИТЕ ЗАЕДНО СМЕ МАКЕДОНИЈА!
