Тифозите на Милан го слават Оливие Жиру кој беше херој на својот тим во големото градско дерби против Интер. Тој постигна два гола и донесе триумф во „Дерби дела Мадонина“, враќајќи ги „росонерите“ комплетно во трката за шампионската титула во Серија А.
Иван Перишиќ донесе водство за Интер во 38.минута. Делуваше дека „нероаѕурите“ ќе стигнат до триумф, но со тоа не се сложи Оливие Жиру. Французинот во 75.минута успеа да израмни, а четири минути подоцна донесе и целосен пресврт на мечот. Тео Хернандез во 96.минута доби црвен картон, но победата му припадна на Милан.
Сега Милан има само бод помалку од Интер на врвот на табелата, но и еден одигран меч повеќе од градскиот ривал.
