ЖФК Љуботен ја одбрани титулата и освои двојна круна

ЖФК Љуботен ја одбрани титулата во Првата фудбалска лига во женска конкуренција. Во последното коло, Љуботен на свој терен убедливо ја победи Речица со 8-1.

ЖФК Љуботен за еден чекор, односно еден бод, мина прв низ целта во трката со Каменица Саса. На крајот, тетовскиот тим освои 72 бода, а Каменица Саса застана на 71.

Тоа е трет шампионски пехар во низа за ЖФК Љуботен, кој во последните две сезони се закити и со двојна круна во македонскиот женски фудбал.