ПСВ Ајндховен го декласира Галатасарај со 5-1 во првиот меч од втората квалификациска рунда во Лигата на шампионите. Еран Захави постигна хет – трик, а Марио Геце беше стрелец на два гола за холандскиот тим. Галатасарај ќе има многу тешка задача на реваншот во Истанбул ова да го надомести.
Олимпијакос со 1-0 го совлада Нефчи, со голот на Меди Камара, а и Легија обезбеди предност од 2-1 против естонската Флора. Мура ремизираше без голови против Лудогорец, а немаше гол ниту на мечот меѓу Слован Братислава и Јанг Бојс. Малме го совлада Хелсинки со 2-1.
