Струга Трим Лум и Силекс денеска (13 часот) го играат вториот полуфинален натпревар од Купот на Македонија. Дуелот на стадионот во Струга ќе го даде ривалот на Академија Пандев во битката за куп-трофејот.
Тренерот на Струга ТЛ, Срѓан Захариевски, најавува голема битка за пласман во финалето.
„Во Силекс поминав прекрасни фудбалски години, освоив три шампионски титули и два куп-трофеи, но во фудбалот нема сентименталност. Сега со Струга Трим Лум ќе се бориме за историски пласман во финалето. Задоволен сум од изданието на тимот на мечот против Беласица, се вративме во победнички ритам и денеска треба да одиграме еден перфектен натпревар за да ја оствариме целта“, вели Захариевски.
Младиот Блертон Шеји верува дека Струга Трим Лум ќе биде патникот во финалето.
„Не очекува еден тежок натпревар, но веруваме дека можеме да се пласираме во посакуваното финале/ Ќе биде тоа награда за сите напорни тренинзи оваа сезона“, изјави Шеји.
Силекс е во опасна ситуација на првенствената табела, но во евентуалното освојување на пехарот во Купот на Македонија ја гледа можноста за повторно излегување на европска сцена. Кратовци на финален куп – натпревар чекаат повеќе од две децении.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski