Втора лига Запад: Вардар убедлив на јубилејот на Блажевски, Воска и Силекс без голови

Силекс и натаму е непоразен во Втората лига Запад откако тимот на Горазд Михајлов одигра реми без голови на гости во Охрид против второпласираната Воска. Ова реми го искористи Вардар да се доближи до Воска со убедливиот триумф (4-0) над Велешта.

Беше тоа јубилеен 150. меч за капитенот Дејан Блажевски во дресот на Вардар, го зачини со гол, а хет – трик постигна неговиот колега од нападот, Филип Петковски.

Тетекс и Охрид ремизираа 1-1. Хусеин Демири во 31.минута донесе водство за домаќинот, а Охрид израмни од пенал во 88.минута преку Ајрадин Цуцули.

Беса беше убедлива (0-3) на гости против Кораби. Алтин Лога го отвори резултатот, а потоа два гола постигна Шериф Реџепи.

Гостивар со 1-0 славеше против Кадино, со голот на Сунај Хасан.