Лидерот на Втората лига Запад, тимот на Скопје, денеска има гостување кај Тетекс и се надева дека ќе ја продолжи позитивната низа со која се одлепи на врвот на табелата. Но, и на „текстилците“ им гори и сакаат со триумф да побегнат од дното кон средишниот дел.
Гостивар на домашен терен ја пречекува Дрита, а Охрид Лихнидос ќе има интересна пресметка со Велазерими. Охриѓани играат одлично на домашен терен и сакаат да се вратат во ритам по поразот во Автокоманда минатото коло.
Кадино ќе биде домаќин на Вардар Форино кој смогна сили да продолжи со натпреварувањето, а Кораби ќе ја пречека Велешта.
