Западот се „разгоре“ максимално. ФК Скопје го чува врвот, а денеска (13 часот) во Автокоманда гостува Охрид Лихнидос, тимот кој игра одличен фудбал и е во страшен налет. Се очекува одличен дуел.
Гостивар бара рехабилитација и триумф на гости кај Велешта. ФК Скопје полека се одлепи, а гостиварци мораат да влезат во победнички ритам ако сакаат да го вратат врвот.
Вардар Форино нема да го прекине настапот, има надеж по донацијата од Општина Гостивар и денеска треба да го пречека составот на Кораби.
Велазерими е домаќин на Кадино, а Дрита и Тетекс ќе имаат битка за бегство од долниот дел на табелата.
