Претендентите за пласнан во Првата лига во ова коло беа безгрешни. Гостивар со 1-0 ја совлада Беса, Вардар со 2-0 го победи Детонит, а Пелистер со 3-1 славеше против Арсими. Најефикасна беше Воска Спорт која со 4-0 ја декласира Каменица Саса.
Гостивар дојде до триумф со погодок од пенал што го постигна Филип Петковски во 70. минута.
Вардарци го надминаа кризниот период со триумф од 2-0 против Детонит Плачковица (2-0) што му го посветија на капитенот Дарко Мицевски, кој сериозно се повреди на мечот против Охрид.
Христијан Вецески и Дејан Цветаноски стрелаа во мрежата на радовишани.
Пелистер со 3-1 го доби Арсими, а стрелци беа Бојан Спиркоски, Борче Маневски и Никола Наумоски.
Воска Спорт беше најубедлива и славеше против Каменица Саса со 4-0. Двоен стрелец беше Бехар Фета, а по еднаш погодија Фитон Адеми и Бесарт Реџепи.
Тетекс и Борец ремизираа 1-1, а Беласица го победи Караорман со 1-0. Кожуф беше подобар од Охрид со 2-1, а утре играат Слога Виница – Пехчево.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski