Воска го доведе искусниот Захов на голот

Македонскиот прволигаш Воска Спорт продолжува со ангажманот на нови засилувања. Искусниот голман Костадин Захов е нов чувар на мрежата на охридскиот тим. Тој по осум години замина од Шкендија, а за нов клуб ја избра Воска.

Захов ја стартуваше кариерата во Беласица, а потоа бранеше за Хоризонт Турново, Вардар, Брегалница и за Шкендија. Тој дефинитивно ќе биде големо засилување за Воска Спорт во вториот дел од сезоната.