Менаџерот на Манчестер Сити, Пеп Гвардиола, донесе необична одлука да му даде слободен ден на тимот пред натпреварот со Борусија Дортмунд во Лигата на шампионите.
По победата од 3-1 над Борнмут во неделата, фудбалерите на Сити се појавија на тренинг-центарот во понеделник за рутинска рехабилитациска сесија. Гвардиола ги извести играчите дека ќе имаат дополнително лично време во вторник, 24 часа пред мечот на домашен терен со германскиот тим.
Според британските медиуми, одлуката е донесена со цел да се зачува свежината на играчите пред нивниот четврти натпревар од основната фаза на турнирот. Гвардиола често се жали на натрупаниот распоред во последните сезони.
Досега, тренерот никогаш не го откажал тренингот на ден пред европски натпревар. Сепак, 54-годишниот стратег може да одржи лесен тренинг насочен кон тактички детали во среда наутро.
Манчестер Сити ќе ја пречека Борусија Дортмунд на „Етихад“ в среда од 21 часот.
