
Академија Пандев оствари важна победа над Тиквеш (3-2) и го држи чекорот со лидерот Шкупи во битката за врвот, но истовремено тренерот Александар Васоски им дава шанса и на млади фудбалери да го искусат прволигашкиот предизвик. Во фокусот е младиот и суперталентиран Мартин Ѓоргиевски кој беше стартер и одигра одличен меч против Тиквеш.
Тој е репрезентативец на Македонија до 17 години, а за неговиот талент веќе добро се информирани и голем дел од европските клубови. На покана од Спортинг Лисабон беше неколку дена во нивниот камп, а за него сериозен интерес покажува и Андерлехт. Тука е и Динамо Загреб, хрватскиот првак кој секогаш сака да ги има најдобрите таленти од југословенските простори во својот клуб.
Академија Пандев се пофали со својот нов талент кој доби шанса да биде првотимец.
„16-годишниот Мартин Ѓоргиевски на вчерашниот натпревар против Тиквеш беше во стартниот состав на Академија Пандев и одигра 77 минути. Фудбалерот роден 2005 година имаше одличен натпревар и ја оправда довербата на тренерот Александар Васоски. Промоцијата на деца од академијата е наш приоритет и во иднина уште многу млади таленти ќе добијат шанса во сениорскиот тим за да го покажат својот потенцијал“, велат од струмичкиот прволигаш.

-
МАКФУДБАЛ ТИМ НА КОЛОТО ВО ПРВАТА ЛИГА
Струга Трим Лум и Силекс имаат максимален ефект по четири кола, Вардар очекувано го...
Автор makfudbal
-
МАКФУДБАЛ ИГРАЧ на колото: Басиру Компаоре (Струга ТЛ)
Струга Трим Лум најави дека ќе се врати посилна оваа сезона и засега тој...
Автор makfudbal

Интернационалци
Енис Барди стрелец за Коњаспор во првенството на Турција (ВИДЕО)

Евро-фудбал
Волтемаде донесе триумф за Њукасл (ВИДЕО)

Интернационалци
Еврогол на Нестор-гол (ВИДЕО)
