Српскиот напаѓач Душан Влаховиќ е на излезна врата на Јувентус и сигурно ќе го напушти клубот во наредниот период, а новата дестинација би можела да биде Милан.
Според италијанскиот новинар Себастијан Сарно, управата на Милан започнала разговори со Јувентус за потенцијален трансфер на 24-годишниот напаѓач. Иако сè уште нема официјална понуда, се очекува таа да пристигне до крајот на јануарскиот преоден рок или најдоцна следното лето.
Влаховиќ, кој има договор со Јувентус до 2026 година, наводно е заинтересиран да остане во Италија, а Милан е сериозна опција за него. Во текот на првичните разговори меѓу двата клуба, споменат е и евентуалниот интерес на Јувентус за дефанзивецот на Милан, Фикајо Томори.
